«Գեշտալտ 1+2» Կրթական Ծրագիր
«ԷԼ-ՊԻ Հոգեբանական Ուսումնախորհրդատվական Կենտրոն»-ը և «Գեշտալտ Թերապիայի Մոսկովյան Ինստիտուտ»-ը համատեղ ներկայացնում են Հայաստանում առաջին՝ «Գեշտալտ 1+2» կրթական ծրագիրը, որի նպատակն է պատրաստել որակավորված գեշտալտ-թերապևտներ։ Ծրագիրն իրականացվում է 2021 թվականից։ Այն ունի ուսումնական երկու խումբ, որոնցից առաջինը սկսել է կրթական գործընթացը 2021 թվականի Հունվարին, իսկ երկորդը՝ նույն թվականի Հոկտեմբերին։
Այս պահին ծրագրում սովորում են 40-ից ավելի մասնակիցներ։
«ԳԵՇՏԱԼՏ 1+2» կրթական ծրագիրը նախատեսված է հոգեբանների և հարակից ոլորտների մասնագիտությունների համար:
«Գեշտալտ 1+2» կրթական ծրագրին կարող է մասնակցել նվազագույնը 8, առավելագույնը՝ 20 անձ:
«ԳԵՇՏԱԼՏ 1+2» կրթական ծրագիրը ձեզ կօգնի`
- Ստանալ «Գեշտալտ-թերապևտ»-ի որակավորում
- Ընդլայնել հոգեբանական պրակտիկ գիտելիքները
- Գրանցել անձնային աճ։
Այս ծրագիրը հարմարեցված է «Գեշտալտ Թերապիայի» արևմտյան ստանդարտներին և ներառում է Գեշտալտ Թերապիայի Եվրոպական Ասոցացիայի (EAGT) կողմից պահանջվող ժամերի մեծ մասը։
Ծրագիրը ներառում է՝
680 ժամ մասնագիտական թրեյնինգներ
- 375 ժամ ծրագրի թեմատիկ խմբային նստաշրջաններ,
- 160 ժամ աշխատանք ինտենսիվների ժամանակ,
- 40 ժամ մասնակցություն կոնֆերանսին,
- 105 ժամ դասախոսություններ և սեմինարներ
180 ժամ թերապևտիկ պրակտիկումներ
160 ժամ սուպերվիզիաներ
- 100 ժամ աշխատանք կանոնավոր սուպերվիզիոն խմբում,
- 25 ժամ ինտենսիվ սուպերվիդենտ խմբում,
- 25 ժամ՝ ինտենսիվների ժամանակ սուպերվիզիոն խմբերում,
- 10 ժամ անհատական սուպերվիզիա, որն ընդգրկում է 220 ժամ պրակտիկայի ժամանակահատվածը (մինչև 2022 թվականը ծրագիրը սկսածների համար՝ 5 ժամ
250 ժամ անհատական թերապիա
- 60 ժամ անհատական թերապիա առաջարկվող գեշտալտ թերապևտներից մեկի մոտ,
- 100 ժամ խմբային թերապիա ծրագրի շրջանակներում,
- 60 ժամ աշխատանք փոքր թերապևտիկ խմբերում,
- 30 ժամ թերապիա ինտենսիվների ժամանակ։
- Ուսումնառության 3.5 տարի
- Իրականացվում են եռօրյա ինտենսիվ դասընթացներ երկու ամիսը մեկ հաճախականությամբ, որոնք վարում են միջազգային որակավորվում ունեցող ռուս մասնագետները։
- Պրակտիկ աշխատանք խմբի անդամների ներսում՝ եռյակներով, ուսումնառության ողջ ընթացքում։
- Ավարտական աշխատանք՝ ուսումնառության վերջում։
Կրթական ծրագրի հաջող ավարտից հետո տրվում է ԳԵՇՏԱԼՏ ԹԵՐԱՊԵՎՏԻ ՎԿԱՅԱԿԱՆ, որտեղ նշվում են ծրագրի հիմնական թեմաները և անհրաժեշտ ժամերի քանակը։ Այն տրվում է «Գեշտալտի Մոսկովյան Ինստիտուտ»-ի կողմից։
Թրեյնինգների Ժամանակացույց
Խումբ 1 - Դասացուցակ
Թեմա 8 - Հոգեսոմատիկ խանգարումները գեշտալտ թերապիայում
- Սեպտեմբերի 15-17 | Դասավանդող - Օլեգ Նեմիրինսկիյ
Թեմա 9 - Կախյալ վարքի հոգեբանություն և հոգեթերապիա
- Նոյեմբերի 10-12 | Դասավանդող - Տատյանա Պրոխորովա
Թեմա 10 - Հոգեբանական օգնություն աֆեկտիվ և հոգեկան խանգարումների ժամանակ:
- Հունվարի 19-21 | Դասավանդող - Օլգա Պոդդուբնայա
Թերապևտիկ խումբ
- Մարտի 1-3 | Դասավանդող - Յուլիյա Շակովեց
Թեմա 11 - Թերապևտիկ հարաբերություններ։ Հոգեվերլուծությունը և գեշտալտ թերապիա։
- Մայիսի 31 - Հունիսի 2 | Դասավանդող - Տատյանա Պրոխորովա
Խումբ 2 - Դասացուցակ
Թեմա 5 - Գեշտալտ թերապիայի կապը հոգեթերապևտիկ այլ մոտեցումների հետ: Թերապևտիկ աշխատանքի ռազմավարությունը և մարտավարությունը
- Սեպտեմբերի 29 - Հոկտեմբերի 1 | Դասավանդող - Լաուրա Պետրոսյան
Թեմա 6 - Մարմնային գործընթացը գեշտալտ թերապիայում
- Դեկտեմբեր 1-3 | Դասավանդող - Օլեգ Նեմիրինսկի
Թեմա 7 - Գեշտալտ թերապիայի կլինիկական կիրառման սկզբունքները: Աշխատանքը նևրոտիկ խանգարումների հետ
- Փետրվար 2-4 | Դասավանդող - Յուլիյա Շակովեց
Թեմա 8 - Հոգեսոմատիկ խանգարումների գեշտալտ թերապիա
- Մարտի 29-31 | Դասավանդող - Օլեգ Նեմիրինսկի
Թեմա 9 - Կախյալ վարքի հոգեբանություն և հոգեթերապիա
- Մայիսի 24-26 | Դասավանդող - Ռոման Գերասիմով
Խումբ 3
Թեմա 1 Գեշտալտ թերապիայի փիլիսոփայական, կենսաբանական և հոգեբանական նախադրյալները:
Հոկտեմբերի 20-22
Դասավանդող` Լաուրա Պետրոսյան
Թեմա 2Ա
Կոնտակտի տեսությունը գեշտալտ թերապիայում
Դեկտեմբերի 15-17
Դասավանդող` Լաուրա Պետրոսյան
Թեմա 2Բ
Կոնտակտային տեսությունը գեշտալտ թերապիայում.
Մաս 2.
փետրվարի 23-25
Դասավանդող` Լաուրա Պետրոսյան
1-ին հոգեթերապևտիկ խումբ.
Ապրիլի 5 – 7
Դասավանդող` Պոլինա Զելեքսոն
Թեմա 3
Գեշտալտ թերապիայի ինտեգրատիվ բնույթը.
Հունիսի 7 – 9
Դասավանդող` Եկատերինա Կոսարևա
Թեմա 4
Թերապիան որպես ստեղծագործականություն. Ստեղծագործական մեթոդներ գեշտալտ թերապիայում.
27-29 սեպտեմբերի
Դասավանդող` Յուլիա Շակովեց
Հուլիս - Օգոստոս (Երեքշաբթի և հինգշաբթի)
Մասնակիցների կարծիքները
![ՍՅՈՒԶԱՆ ԽԱՌԱՏՅԱՆ](http://lppsycenter.com/cdn/shop/files/IMG_7169_{width}x.jpg?v=1688555411)
ՍՅՈՒԶԱՆ ԽԱՌԱՏՅԱՆ
Կլինիկական հոգեբան
Ես եմ սկսել սովորել ուշադրություն դարձնել հույզերիս և ընդունել դրանք, տարանջատել միտքը և հույզը, գիտակցել ու ընդունել պահանջմունքներս։
ՍՈՆԱ ՊՈՂՈՍՅԱՆ
Հոգեբանական գիտությունների թեկնածու, դոցենտ
Գեշտալտի օգնությամբ ընդլայնվում են անձի գիտակցության սահմանները, ինչը թույլ է տալիս ավելի շատ ապրել, զգալ, քան լինել դիտորդ: Սովորում ես հասկանալ և ընդունել իրերն ու երևույթներն իրենց ողջ բազմազանությամբ:
![Սոնա Պողոսյան](http://lppsycenter.com/cdn/shop/files/4872d00fa189da4f899601ad392b069f_{width}x.jpg?v=1690873731)
![Դիանա Սուքիասյան](http://lppsycenter.com/cdn/shop/files/Diana_{width}x.jpg?v=1690873849)
ԴԻԱՆԱ ՍՈՒՔԻԱՍՅԱՆ
Ընտանեկան հոգեբան
Դուք մուտք եք գործում մի դաշտ, որտեղ կարող են լինել բուռն էմոցիաներ, հիասթափություններ ու բազմաթիվ գիտակցումներ։ Պատրաստ եղեք փոփոխությունների և անձնային աճի։
ԱՐՄԻՆԵ ՔՈՉԱՐՅԱՆ
Հոգեբան, հոգեթերապևտ
Գեշտալտը կյանքի մասին է՝ պարզ, չխճճող, քիչ՝ տեսական, ու շատ՝ պրակտիկ մեթոդիկաներով, ուր հոգեթերապևտը հնարավորություն ունի մանյովրել այցելուի առանձնահատկություններին համընթաց։
![Արմինե Քոչարյան](http://lppsycenter.com/cdn/shop/files/Armine_{width}x.jpg?v=1690873670)
![ԱԼԻՆԱ ԳԱԼՍՏՅԱՆ](http://lppsycenter.com/cdn/shop/files/22db6cd585c9a4b7384ac3ebdf27d5fe_{width}x.jpg?v=1690873562)
ԱԼԻՆԱ ԳԱԼՍՏՅԱՆ
ԵՊՀ Փիլիսոփայության և Հոգեբանության ֆակուլտետի Ընդհանուր հոգեբանության ամբիոնի դասախոս, գիտաշխատող
Անձի մասնագիտական որակների վրա ազդեցություններ միշտ կան զարգացման ընթացքում, ինձ համար տպավորիչ են դասընթացավարների պրոֆեսիոնալ մոտեցումները, հնարները։ Ես շատ եմ հետևում նրանց վարքին, ինչը շատ խանգարում է խմբում լիարժեք ներգրաված լինելիս, բայց շատ օգնում է ինքնարժևորելու սեփական ձեռքբերումները։
ԷԼՎԻՐԱ ՏԵՐ-ՍՏԵՓԱՆՅԱՆ
Հոգեբան, հոգեթերապևտ
Գեշտալտում դու ոչ միայն ձեռք ես բերում գիտելիքներ ու հմտություններ, այլև հայտնվում ես այլ աշխարհում՝ այն աշխարհում, որտեղ միշտ երազել ես գտնվել։ Այդ աշխարհը ինքդ ես ու քեզ շուրջդ տիրող իրականությունը։
![Էլվիրա Տեր-Ստեփանյան](http://lppsycenter.com/cdn/shop/files/IMG_7197_{width}x.jpg?v=1688557044)
![Վանանե Միրզոյան](http://lppsycenter.com/cdn/shop/files/IMG_7196_{width}x.jpg?v=1688556963)
ՎԱՆԱՆԵ ՄԻՐԶՈՅԱՆ
Հոգեբան, հոգեբանական գիտ. թեկնածու, դոցենտ, Վանաձորի պետական համալսարանի դասախոս, "ԱՅԳ" հոգեբանական ծառայությունների կենտրոնի Վանաձորի մասնաճյուղի ղեկավար
«Գեշտալտ 1+2» ազդում է և՛ անձնային զարգացման վրա, և՛ կյանքի որակի: Այն ապահովում է մասնագիտական աճ, կատարելագործում այցելուների հետ աշխատանքի համար անհրաժեշտ հմտությունները և աստիճանաբար դառնում փոխակերպվող կենսակերպ:
ԼՈՒՍԵ ՍԵՐՈԲՅԱՆ
Ընտանեկան համակարգային թերապևտ, կլինիկական հոգեբան
Գեշտալտում ձեռք բերած գիտելիքները մեծապես գործնական են, որոնց մասին հնարավոր չէ գրքերում կարդալ: Դա կարելի է և պետք է միայն ապրել, գիտակցել և ներառել որպես փորձ:
![ԼՈՒՍԵ ՍԵՐՈԲՅԱՆ](http://lppsycenter.com/cdn/shop/files/4206d64f17d2ad33d603432b98640630_{width}x.jpg?v=1690873290)
![ԾԱՂԻԿ ՄԻՔԱՅԵԼՅԱՆ](http://lppsycenter.com/cdn/shop/files/7ef49e8bcee7f70530ca9bdacc4a848c_{width}x.jpg?v=1690873209)
ԾԱՂԻԿ ՄԻՔԱՅԵԼՅԱՆ
Մանկական հոգեթերապևտ
Գեշտալտը հնարավորություն է տալիս սեփական հոգեկանում տեղի ունեցող փոփոխությունների միջոցով զարգացնել մեր մասնագիտական որակները՝ սովորելով չվնասել միմյանց, լինել խմբում, դիտել խմբային դինամիկան։ Սովորում ենք լինել այստեղ և հիմա․․․
ՀԱՍՄԻԿ ՄԱՐՏԻՐՅԱՆ
Կրթության հոգեբան, մանկական հոգեթերապևտ
Գեշտալտ մոտեցմամբ ցանկացած թերապևտիկ աշխատանքի արդյունքում, երբ հասնում ես ինքնագիտակցման նոր մակարդակի, թույլ ես տալիս քեզ ապրել և զգալ այն ինչ վաղուց արտամղվել էր, ընդունում ես քեզ՝ կյանքում պատահած բոլոր հաջող ու անհաջող դեպքերի փորձով, դանդաղ ընդունում ես նաև մյուսներին ու նրանց որոշումները, աճում ես:
![Հասմիկ Մարտիրյան](http://lppsycenter.com/cdn/shop/files/IMG_7171_{width}x.jpg?v=1688556336)
![Նարինե Մովսիսյան](http://lppsycenter.com/cdn/shop/files/IMG_7193_{width}x.jpg?v=1688556515)
ՆԱՐԻՆԵ ՄՈՎՍԻՍՅԱՆ
Հոգեբան, հոգեշարժողական մասնագետ
«Գեշտալտ 1+2» կրթական ծրագրին մասնակցությունը դրական ազդեցություն է թողնում նաև իմ անձի և կենսակերպի վրա, որում զգացողություններս և վարքս դառնում են ավելի գիտակցված։ Եթե փորձեմ ներկայացնեմ համեմատությամբ, ապա այն նման է հարբուխից հետո հանգիստ, խորը, ազատ շնչելուն։ Ես այդ ճանապարհին եմ:
ՆԱԻՐԱ ԴԱԴՅԱՆ
Հոգեբան, հոգեթերապևտ
Չեմ կարող ժխտել նաև "Գեշտալտ 1+2" ծրագրի դերը անձիս զարգացման հարցում։ Հանդիպումների ընթացքում՝ անկախ իմ կամքից, տվել եմ ինձ բազմաթիվ հարցեր և ստացել պատասխաններ, երբեմն՝ առանց հարց տալու ստացել եմ պատասխան:
![ՆԱԻՐԱ ԴԱԴՅԱՆ](http://lppsycenter.com/cdn/shop/files/IMG_7198_{width}x.jpg?v=1688557356)
![Հասմիկ Ղումաշյան](http://lppsycenter.com/cdn/shop/files/b2bccd57370b176ab4aaa89a6ab0f91d_{width}x.jpg?v=1690872890)
ՀԱՍՄԻԿ ՂՈՒՄԱՇՅԱՆ
Տնտեսագետ, ֆինանսիստ
Գեշտալտը ընթացք է, որը հնարավոր է դարձնում այցելու-թերապևտ ձևավորված «դաշտի» մեջ անմիջական կապով հասնել խորքային խնդիրներին, համատեղ զգալ ու գիտակցել տեղի ունեցողը: